सल्यानका कैदीलाई दुई जग पानी

हट सेक्सी तथा रमाइला भिडियो हेर्न तल क्लिक गर्नुहोस

६ जेठ, सल्यान । खानेपानीको हाहाकार भएपछि सल्यान कारागारका कैदीलाई पानीको चरम समस्या भएको छ । खानेपानीको अभाव भएपछि कारागारले एक कैदीलाई बिहान एक जग तथा बेलुका एक जग पानी उपलब्ध गराउने गरेको छ ।

बीस जना कैदी राख्ने क्षमता भएको जिल्ला कारागार सल्यानमा अहिले ६२ पुरुष र १० जना महिला गरी र दुई बालबालिका गरी ७४ जना कैदीबन्दी छन् ।

धारामा आउने पानीले नपुगेपछि कारागारले शारदा नदीबाट टयाङ्करबाट बोकेर ल्याएको पानी प्रतिटयाङ्कर दुई हजार ५०० का दरले किनेर दिने गरेको छ । तर बजेट अभावले पानी किनेर खुवाउन समस्या भएको जिल्ला कारागार सल्यानका जेलर विक्रम केसीले बताउनुभयो ।

जेलर केसीले भन्नुभयो, पानी बिजुली शीर्षकमा रु एक लाख ८० हजार आउँछ, हामीले अहिले विद्युत् महसुलवापतको रकमले पनि पानी किनेर खुवाउनुपरेको छ ।

केसीले भन्नुभयो, “पानी किनेर कैदीलाई खुवाउँदा रु एक लाखभन्दा बढी रकम खर्च भइसक्यो, विद्युत्लाई तिर्नुपर्ने रु एक लाखभन्दा बढी छ, विद्युत्को रकम पानीमा खर्च गर्दा अर्को समस्या सुरु भएको छ ।”

कारागार प्रशासनले उपलब्ध गराउने पानीले नपुगेपछि कतिपय कैदीले आˆनै पैसाले किनेर खाने गरेको कैदी सेतीराम बोहरालेे बताए ।

कारागारभित्र पानीको समस्या भएपछि कैदीलाई नुहाउन तथा कपडा धुन निकै समस्या भएको छ । कारागारमा खानेपानीको अभाव सुरु भएपछि आफूहरुले एक, दुई महिनादेखि राम्रोसँग नुहाउन र कपडा धुन नपाएको कैदीहरुले बताए । कारागार शाखाका अनुसार कतिपय कैदीले महिनामा एकपटक पानी किनेर नुहाउने गर्छन् भने कतिपयले लामो समयदेखि नुहाउन पाएका छैनन् । रासस

हट सेक्सी तथा रमाइला भिडियो हेर्न तल क्लिक गर्नुहोस