बर्दियामा भैंसीले हात्ती पायो

बर्दियाको कालिका गाविस वडा नं–१, बोकटीया निबासी कृष्णप्रसाद थारुको घरमा पालिएको भैसीले अनौठो किसिमको पाडाको जन्म दिएको छ । दोस्रो बेतमा जन्मेको पाडाको हात्तीको जस्तो सुँढ र ठुला–ठूला कान भएको बताईएको छ । पाडाको मुख नभएको भैंसी मालिक कृष्णप्रसाद थारुले जानकारी दिनुभयो । थारुले दिएको जानकारी अनुसार भैसीले गएराती २ बजेतिर पाडो पाएको हो । जन्मेको २० मिनेटमै पाडो मरेको उहाँले बताउनुभयो । हात्तीको जस्तो सुँढ भएको अनौठो प्रकृतिको पाडो हेर्ने स्थानीयको भीँड लागेको थियो ।